سەنتەرێ گەشەپێدان بۆ کاری ل زانکۆیا زاخۆ پیروزباهییا ناڤێن د لینکێ ل خوارێ دا دیارکری دکەت، یێن کو هاتین وەرگرتن بۆ ئەنجامدانا پروگرامێ ڕاهێنانێن شیانا Internship   بۆ سالا ٢٠٢٢.

هەژییە بێژین، ٤١ کەرتێن تایبەت ژ کومپانی، کارگەهــ، ڕێکخراو، تاقیگەهێن تایبەت، نەخوشخانێن تایبەت، پەیمانگەهێن تایبەت ل باژێرێن زاخۆ، دهۆک، سێمێل، مسیریکێ، کەلەکچێ/شێخان، ئاکرێ، ئامێدی و شاریا د پروگرامێ ئەڤ سالە یێ ڕاهێنانێن شیانا Internship  یێن سالا ٢٠٢٢ ل گەل سەنتەرێ گەشەپێدان بۆ کاری ل زانکۆیا زاخۆ پشکدارن. هەروەسا ٢٤٦ قوتابی ژ پشکێن جێواز یێن کولیژ و فەکۆلتی یێن زانکۆیا زاخۆ هاتینە وەرگرتن بۆ ئەنجامدانا ڕاهێنانێن خۆ ل کەرتێن ناڤبری.

پروگرامێ ڕاهێنانێن شیانا(Internship)  پروگرامەكێ سالانەیه، كو سەنتەرێ گەشەپێدان بۆ كاری ب هەڤكارى  ل گەل ڕێكخراوا IREX یا ئەمریكی  و وه زاره تا خواندنا بلند و ڤه كولینێن زانستی د وه رزێ هاڤینێدا برێڤه دبەت، دئەڤی پروگرامیدا قوتابی یێن هەمی بەشان ژ هەمی فەکۆلتی و کولیژان بۆ ماوەیەكێ دیاركری راهێنانان وەکو خوبەخش ل كەرتێن تایبەت دکەن. 

ئارمانج ژ ئەڤی پروگرامی ئامادەکرن و پێشڤەبرنا قوتابییە و پێدانا ئه زمونا كاری یە د هەمان دەمدا، هەروەسان به رهەڤكرنا قوتابیانه بؤ ئه زموونا كاری. قوتابی ب ڕێكا ئەڤی پروگرامی دشێن ئەو ماددە و بابەتێن ب شێوێ تێوری  د ڕابردووییدا فێربووین ب شێوێ پراکتیکی ل ئەوی کەرتێ تایبەت یێ لێ هاتییە وەرگرتن ئەنجام بدەن. 

ژ خالێن گرنگ یێن  ئەڤی پروگرامی ئەوە،   قوتابى  دشێن ب ڕێکا ئەڤى پروگرامى ئارمانج و حەزا خۆ  یا كارى دەست نیشان بكه ن ,  ئه ف پروگرامه زێدەتر گرنگییێ ب كەرتێ تایبەت ددەت، ژبەرکو کەرتێ ناڤبری دبیته  پرەك دناڤبەرا قوتابیان  و بازارێ كاریدا، هەروەسان  قوتابی ل ژێر سەرپەرشتییا كەسێن پروفیشنال ل وى جهى راهێنان پێ دهێنه كرن. بێگومان قوتابی دەرفەتا هندێ یا هەى كو زیره كى و شارەزاییا خۆ بۆ وى جهى بسه لمینیت. بهیڤییا هندێ دەرفەتێن کاری ژی  دەست بکەڤیت ل هەمان جهـ. 

بێگومان، پشتی کو قوتابی ڕاهێنانێن خۆ سەرکەفتیانە ئەنجام ددەت، دێ هێتە خەلاتکرن ب  باوەرنامەکێ ژ لایێ  هەر سێ لایەناڤە: ڕێکخراوا IREX یا ئەمریکی، وەزارەتا خواندنا بلند و ڤەکولینێن زانستی و سەنتەرێ گەشەپێدان بۆ کاری ل زانکۆیا زاخۆ. داخوازا  مفاوەرگرتنێ بۆ قوتابیێن ناڤبری دکەین.

ژبۆ دیتنا لیستا ناڤێن کەرتێن تایبەت و ناڤێن قوتابیێن پشکدار د پروگرامیدا، هوین دشێن سەرەدانا لینکێ ل خوارێ بکەن:

Partiticipated Companies/ Organisations
Accepted Students